ગઈ કાલે સાંજે બીકેસીના જિયો વર્લ્ડ સેન્ટરના ગ્રૅન્ડ થિયેટરમાં ઉદ્યોગપતિ મુકેશ અને નીતા અંબાણીના પુત્ર અનંત અંબાણીની ફિયાન્સે રાધિકા મર્ચન્ટે પહેલી વખત સ્ટેજ પર સોલો આરંગેત્રમ કર્યું હતું. અંબાણી અને મર્ચન્ટ પરિવાર ઉપરાંત તેમના મિત્રો તેમ જ કલારસિકો એને માણવા મોટી સંખ્યામાં હાજર હતા. મોટા ભાગના મહેમાનો સિલ્કની સાડી, શેરવાની અને કુર્તાનાં પરંપરાગત વસ્ત્રોમાં હતા. અંબાણી અને મર્ચન્ટ પરિવાર દરેક મહેમાનોનું ભાવભીનું સ્વાગત કરતા જોવા મળ્યા હતા. મુકેશભાઈ પૌત્ર પૃથ્વીને તેડીને ઊભા જોવા મળ્યા હતા.
(તસવીરો : રાણે આશિષ)
બોરીવલી વેસ્ટ ખાતે `ખાદી મહોત્સવ 2022`ના બીજા દિવસે અથર્વ સ્કૂલ ઑફ ફેશન એન્ડ આર્ટસ અને મુંબઈ ખાદી વિલેજ ઈન્ડસ્ટ્રીઝ એસોસિએશન ટ્રસ્ટ (કોરા કેન્દ્ર) દ્વારા આયોજિત ફેશન શોમાં અગ્રણી ડિઝાઇનરોએ ખાદીના નવીનતમ વલણો રજૂ કર્યા હતા.
આ તસવીરો જોઈ તમને પણ કદાચ કવિ નિરંજન ભગતની રચના `ચલ મન મુંબઈ નગરી, જોવા પુચ્છ વિનાની મગરી! જ્યાં માનવ સૌ ચિત્રો જેવાં,વગર પિછાને મિત્રો જેવાં` યાદ આવી જશે...
આખું મુંબઇ જેને ‘આપડો કરણ’ (Aapdo Karan)ના નામે ઓળખે તે આરજે કરણ (RJ Karan)એ રેડિયો જૉકી બનવાનું સ્વપ્ને પણ વિચાર્યું નહોતું. વાંચીને લાગીને નવાઈ? ગુજરાતી મિડ-ડે ડૉટકૉમ સાથેની વાતચીતમાં આરજે કરણ મહેતા (RJ Karan Mehta)એ કહ્યું હતું કે, માત્ર ૧૩ વર્ષની ઉંમરે પિતાની છત્રછાયા ગુમાવ્યા બાદ તેણે પૈસા કમાવવા માટે મહેનત કરવાની શરુઆત કરી હતી. આરજે બન્યો તે પહેલાં શું કરતો હતો ‘આપડો કરણ’? એક સામાન્ય મુંબઇકરથી મુંબઇના એકમાત્ર ગુજરાતી આરજે બનવા સુધીની કરણની સફર વિશે જાણીએ.
મહારાષ્ટ્રમાં ગુજરાતી માધ્યમની શાળાઓ સાથે જોડાયેલી સંસ્થા મુંબઈ ગુજરાતી સંગઠન દ્વારા મલાડ પૂર્વની બે ગુજરાતી માધ્યમની શાળાઓમાં વેકેશન દરમિયાન સ્પોકન ઇંગ્લિશના વર્ગો લેવામાં આવ્યા હતા. આ ઉપક્રમ અંતર્ગત બંને શાળાના ૫૦૦થી વધુ બાળકો જોડાયા હતાં અને હસતાં-રમતાં અંગ્રેજી શીખ્યાં હતાં.
કોરોના મહામારી આખરે હવે મુંબઈમાંથી પ્રસ્થાન કરી રહી હોય તેમ જણાય છે. મુંબઈમાં દૈનિક કોરોના દર્દીઓની સંખ્યા પણ 50થી નીચી છે અને તેને પગલે માસ્ક સહિતના નિયમો પણ રાજ્ય સરકારે પાછા ખેંચી લીધા છે. છેલ્લાં બે વર્ષમાં મહામારીની ત્રણ લહેર છતાં મુંબઈએ ફરી ખૂબ જ ઝડપથી પોતાની ઝડપ મેળવી લીધી છે. તો ચાલો જોઈએ લોકડાઉન અને તાજેતરના સમયગાળાની તસવીરો. (તસવીર સૌજન્ય: મિડ-ડે ફોટોગ્રાફર્સ)
એકંદરે વિદ્યાર્થીઓ અભ્યાસ પૂર્ણ થયા બાદ શાળાને ભૂલી જતાં હોય છે, પરંતુ મુંબઈની ગુજરાતી શાળાના કેટલાક ભૂતપૂર્વઓએ આ વાતને ખોટી પૂરવાર કરી છે. મહારાષ્ટ્રમાં માતૃભાષાના માધ્યમની શાળાઓના ઉત્કર્ષ માટે કાર્યરત મુંબઈ ગુજરાતી સંગઠન સાથે જોડાયેલા શાળાના ભૂતપૂર્વ વિદ્યાર્થીઓએ પોતાની જ શાળામાં સમર કેમ્પનું આયોજન કર્યું હતું. ઘાટકોપરની ધનજી દેવશી રાષ્ટ્રીય શાળા, કલ્યાણના માતુશ્રી જમનાબાઈ ભગવાનદાસ કન્યા વિદ્યાલય અને રાવ સાહેબ ગોવિંદ કરસન રામજી વિદ્યાલયના ભૂતપૂર્વ વિદ્યાર્થીઓએ સંગઠન સાથે મળી વિદ્યાર્થીઓ માટે કેમ્પ રાખ્યો હતો અને હસતાં-રમતાં વિવિધ વસ્તુઓ શીખવી હતી.
This website uses cookie or similar technologies, to enhance your browsing experience
and provide personalised recommendations. By continuing to use our website, you agree
to our Privacy Policy and Cookie Policy. OK
_s.jpg)