12 May, 2022 05:23 PM IST | Mumbai | Gujarati Mid-day Online Correspondent
‘જયસુખ ઝડપાયો’ના સેટ પરની તસવીર
ત્રીજી જૂને રિલીઝ થનાર ગુજરાતી ફિલ્મ ‘જયસુખ ઝડપાયો’નું ટ્રેલર આજે લોન્ચ થયું છે. ડિરેક્ટર ધર્મેશ મહેતા આ ફિલ્મ સાથે પ્રોડ્યુસર પણ બની ગયા છે. જિમિત ત્રિવેદીની હીરો તરીકે આ પહેલી ફિલ્મ છે તો ધર્મેશ મહેતાની જ ફિલ્મ ‘પપ્પા, તમને નહીં સમજાય!’માં કૅમિયો કરી ચૂકેલા જૉની લિવરની પણ આ ફુલ લેંગ્થ પહેલી ગુજરાતી ફિલ્મ છે.
ટ્રેલરની વાત કરીએ તો તે ખૂબ જ કૉમેડી લાગી રહ્યું છે. ટ્રેલર પરથી સમજાય છે કે મનસુખ (જ્હોની લિવર)ની બહેન જયસુખ (જિમિત ત્રિવેદી) સાથે પ્રેમમાં પડે છે અને આખી વાર્તા તેની આસપાસ ફરે છે. જયસુખના જીવનમાં અનેક નાની-મોટી મુસીબતો આવી રહી છે, જેને કારણે જયસુખના જીવનમાંથી સુખ શબ્દ જાણે અદ્રશ્ય થઈ ગયો છે. ઉપરાંત જ્હોની લીવર થોડું કાલુંઘેલું પર દર્શકોની મજા બમણી કરી રહ્યું છે. જુઓ ટ્રેલર.
ફેન્સ પણ આ ફિલ્મની આતુરતાથી રાહ જોતાં જણાય છે. એક વ્યક્તિએ ટ્રેલર પર કોમેન્ટ કરતાં લખ્યું કે “એકદમ મજા પડી ગઈ છે ભાઈ આ ટ્રેલર જોઈને” તો અન્ય એકે લખ્યું કે “જયેશભાઈ જોરદાર પછી જયસુખ ઝડપાયો!!”
હવે જોવું રહ્યું કે જયસુખને સુખ મળે છે કે નહીં.